Antibiotics, ပဠိဇီဝပိုးသတ်ဆေးများ

Ks - 0
  • Levofloxacin tablets 500mg (10x10's)
  • Levofloxacin 500mg
  • 10x10's Tables

Levofloxacin BP 500mg

Description

Levofloxacin
(လီဗိုဖလောက်ဆာစင်)
ကွီနိုလုံးအုပ်စုဝင် ပဋိဇီ၀ဆေးတစ်မျိုးဖြစ်သည်။ ဆိုင်ပရိုဖလောက်ဆာစင်ကဲ့သို့ပင် ဂရမ်ပေါ့ဇတစ် ဘက်တီးရီးယားအချို့နှင့် ဂရမ်နဂ္ဂတစ် ဘက်တီးရီးယားအများစုအပေါ် အာနိသင်သက်ရောက်နိုင်သည်။
စထရက်တိုကော့ကပ်စ် နယူမိုနီယေးအပေါ်တွင် ဆိုင်ပရိုဖလောက်ဆာစင်ထက်ပို၍ အာနိသင်ထက်မြက်စွာပြသနိုင်သည်ဟု ဆိုသည်။

ပျောက်ကင်းနိုင်သောရောဂါများ
လေပြွန်ရောင်ခြင်း၊ အဆုတ်ရောင်ခြင်းစသော အသက်ရှူလမ်းကြောင်းဘက်တီးရီးယားပိုးဝင်ရောဂါများ၊ ဆီးလမ်းကြောင်း ဘက်တီးရီးယားပိုးဝင်ရောဂါများနှင့် အရေပြားဘက်တီးရီးယား ပိုးဝင်ရောဂါများတွင် အသုံးပြုသည်။

ဆေးသောက်ရန်အညွှန်း
များသောအားဖြင့် ၂၅၀-၅၀၀ မီလီဂရမ် တစ်နေ့တစ်ကြိမ် ၇-၁၀ ရက်သောက်ရသည်။ အဆုတ်ရောင်ရောဂါနှင့် အရေပြားပြည်တည်နာများတွင် ၁၄ ရက် အထိသောက်နို်ငသည်။

ဘေးထွက်ဆိုးကျိုးများ
ပျို့ခြင်း၊ အန်ခြင်း၊ ရင်ပြည့်ရင်ကယ်ဖြစ်ခြင်း၊ ဗိုက်အောင့်ခြင်း၊ ဝမ်းလျှောခြင်း၊ ခေါင်းကိုက်ခြင်း၊ ခေါင်းနောက်ခြင်း၊ အိပ်မပျော်ခြင်း၊ ယာယံခြင်း၊ အဖုအပိမ့်ထွက်ခြင်းတို့ဖြစ်တတ်ပါသည်။
အစားအသောက်ပျက်ခြင်း၊ ဆီးဆိပ်တက်ခြင်း၊ အိပ်ငိုက်ခြင်း၊ ကယောင်ကတန်းဖြစ်ခြင်း၊ စိတ်ကျရောဂါဖြစ်ခြင်း၊ စိတ်ရှုတ်ထွေးဝေခွဲမရဖြစ်ခြင်း၊ မရှိသည်ကိုရှိသယောင်မြင်နေ ကြားနေခြင်း၊တက်ခြင်း၊ ခြေလက်တုန်ခြင်းတို့ဖြစ်နိုင်ပါသည်။

ကြိုတင်သတိပြုရန်/ရှောင်ရန်
ဝက်ရူးပြန်ရောဂါ သို့မဟုတ် တက်တတ်သည့်ရာဇဝင်ရှိသူများ၊ ဂျီစစ်ပီဒီချို့တဲ့သူများ၊ မိုင်ယာစသီးနီးယား ဂရဲဗစ်ခေါ်ကြွက်သားအားနည်းရောဂါရှိသူများ သတိထားသုံးစွဲသင့်ပါသည်။ ကျောက်ကပ်အားလျော့နည်းသူများ ဆေးချိန်လျှော့သောက်ရပါမည်။ ပုံမှန်အားဖြင့် ကလေးများတွင် အသုံးမပြုပါ။ တိရစ္ဆာန်များတွင် စမ်းသပ်ချက်အရ အရိုးအဆစ်ရောဂါများဖြစ်ကြောင်းတွေ့ရှိရ၍ဖြစ်ပါသည်။
စိတ္တဇရောဂါလက္ခဏာများ၊ ဉီးနှောက်နှင့် အာရုံကြောဆိုင်ရာရောဂါလက္ခာဏာများ ပြလာလျှင် ဆေးကိုချက်ချင်းရပ်ရပါမည်။
ကိုယ်ဝန်ဆောင်များ၊ နို့တိုက်မိခင်များ၊ ကလေးငယ်များအတွက် အန္တရာယ်မရှိဟုမဆိုနိုင်သဖြင့် ရှောင်လျှင်ပိုကောင်းပါသည်။